HORARIO

Lunes a Jueves

9:00-14:00/16:00-18:00

Viernes

9:00-15:00

JUNIO A SEPTIEMBRE

Lunes a Viernes 9:00 – 15:00

DÓNDE ESTAMOS

Estrada Colexio Universitario, 16

36310 – VIGO

Tel. 986 469 301

museo@anfaco.es

IV Xornadas divulgativas sobre o papel da muller no sector pesqueiro e conserveiro: Mulleres de Cine.

Antigo Reitorado da Universidade de Vigo Rúa Oporto, 1 

O consorcio conformado pola Fundación Clúster de Conservación de Productos del Mar (Fundación promovida por ANFACO-CECOPESCA) e a Fundación para la Pesca y Marisqueo (FUNDAMAR) presentan as IV Xornadas divulgativas sobre o papel da muller no sector pesqueiro e conserveiro: Mulleres de Cine. Estas xornadas tiveron lugar o 8 de novembro de 2018 no Antigo Reitorado da Univesidade de Vigo.

O obxectivo principal das Xornadas é salientar o papel estratéxico da muller no sector extractivo e transformador dos produtos do mar, recoñecer o esforzo realizado no pasado, o presente e o futuro. Elas configuran un alicerce fundamental da nosa sociedade e da comunidade pesqueira e conserveira, xa que participan en toda a cadea produtiva, dende a extracción ata a comercialización final do produto.

Nesta ocasión púxose o foco no protagonismo das mulleres do mar no noso cine, tanto documental como de ficción. Os invitados e invitadas da mesa redonda foron o cineasta Álvaro Gago Díaz, autor de Matria, a curtametraxe multipremiada e galardoada no mítico Festival de Sundance, cuxa protagonista traballa na fábrica Daporta (Cambados) de conservas de peixe e marisco, que mudou a súa produtividade polo plató de cine.Contaremos tamén co seu xerente, Alejandro Daporta.

Doutra banda, Cruz Piñón presentou o proxecto audiovisual Teño unha horta en San Sadurniño, que inclúe o documental realizado polas antigas traballadoras da conserveira El Cisne, Historia do cisne, o atún e a troita.

Finalmente, Xisela Franco moderou a mesa redonda e introduciu o seu documental poético La última batea, suxestivas imaxes para despedir a derradeira batea de ostras da Ría de Vigo da man da súa propietaria.  
Salientamos, no eido do traballo da muller do mar e do cine, o premio recibido por FUNDAMAR da Association for Women in the Seafood Industry (WSI-ASSO) na derradeira edición do certame de curtametraxes sobre a muller no mundo da pesca, Puntada Invisible de Henry Robusto, curta sobre as redeiras do Berbés.


Deja un comentario

Tu dirección de correo electrónico no será publicada. Los campos obligatorios están marcados con *

agosto 2020
L M X J V S D
« Jul    
 12
3456789
10111213141516
17181920212223
24252627282930
31